علم النفس والاجتماع هى ماده بياخدها طالب تانيه ثانوى الأدبى
وفى تالته هيا ماده ادبيه من اتنين التانيه هيا الاقتصاد والاحصاء
انت بتختار واحده منهم أنا كنت مختار علم النفس والاجتماع
يمكن ناس كتير من الى مش بيحبوا الحفظ بيقولك أنا مش هاخدها وهاخد الاحصاء ودا براحته
يختار الماده الى هوا عايزها
لكن أنا لو وصفت ماده علم النفس هاوصفها بماده الخمسين
ماده الخمسين درجه شوف انت بقى ماده علم النفس بتتساوى فى الدرجات مع الرياضيات والفيزياء أو التارخ للأدبى
يعنى ان شاء الله لازم تضمن الماده دى وتقفل الخمسين فيها
طيب دا كلام حلو
لكنك فى الأول فعلا الناس الى مش بيحبوا الحفظ هايتضايقوا منها
هيا فعلا ماده حفظ شيويه حتى لما كنت أحاول أذاكرها من مذكره تانيه جايبه بأسلوب حلو ألاقى هوا هوا الكلام والأمثله هيا هيا
وأنا كنت كدا ودا سبب خلانى ماخدشى فيها درس أول أسبوع رحته كان الأستاذ بيدينا الدرس وتانى يوم عايز تسميع ليه فسيبت الدرس وذاكرتها من المذكرات الى موجوده هنا
يمكن فى البدايه هتلاقى صعوبه لكن دا ف أول مره بس بعد كدا المراجعه سهله جدا ان شاء الله وابدأ حل أسئله عليها وفى وقت الامتحانات هتلاقى نفسك حافظها ان شاء الله وهاتقفل الخمسين
أولا علم النفس
علم النفس بيتكون من خمس أبواب ماتقلقشى منهم
كل باب تلخيصه تقريبا أربع أو تلت صفحات وعلم النفس يمكن هيا الى محتاجه مذاكره أكتر من علم الاجتماع عشان فيها تعريفات وحجات كدا
لكن بالرغم من انك هاتشعر وكأن الماده دى حفظ بس لكن هاتكتشف بعدين
ان علم النفس والاجتماع ماده حياتيه
يعنى هتلاقى الكلام الى فيها كلام احنا بنشوفه فى حياتنا زى مثلا سلوك الفرد والنمو والارتقاء ومشكله السكان والتربيه الى اسمها التنشئه الاجتماعيه فى علم الاجتماع
يعنى اعتبره كلام عام للحياه وافهمها بجد هيا ماده مفيده جدا وسهله وتقريبا الكل بيقفلها
لكن مش معنى كدا انك تسيبها من أول السنه لكن مذاكرتك ليها من أول السنه هايوفر ليك وقت كتير انت محتاجه اخر السنه للمواد التانيه الأصعب
الملف حجمه 64.9 ميجا
فيه ملفين ملف للشرح والمراجعات ..الشرح من كتاب الوسام و3 مذكرات تانيين للشرح
والمراجعات فيها تلخيصات للتعاريف والمقارنات ومراجعه كل باب لوحده وأسئله فلاش وامتحانات بالاجابه
نفس الكلام علم الاجتماع ماده حياتيه وهيا كمان اسهل من علم النفس
وعلم الاجتماع من أربع أبواب يمكن أهمهم الباب الأول والثانى
ذاكرهم من الأول وهاتستريح جدا فى الأخر ومش هتحتاج تراجعها كتير
بصراحه أنا مالحقتش أراجع امتحانات كتير لماده علم النفس والاجتماع لكنى اكتفيت بمذاكرتها
وحليت امتحان أو اتنين فكونك مذاكر المنهج ومراجعه يكفى بس تحل امتحانين أو ثلاثه عشان تعرف طريقه الأسئله وطريقه الاجابه
لكن صدقنى لو انت مذاكر علم النفس والاجتماع أو حتى قريهم وواخد فكره عنها تقدر فى مرحله المراجعه وبكل سهوله انك تراجعها
فى وقت قليل جدا وتحل امتحانات كتيير كمان ...الماده دى من خمسين ..يعنى زى الرياضيات والفيزياء أو التاريخ يعنى ماده مهمه
وان شاء الله تكون ضامن الخمسين فى جيبك
الحجم 34.5 ميجا
فيه مذكرات المراجعه وامتحانات بحلولها لعلم النفس والاجتماع
ليست هناك تعليقات:
إرسال تعليق